Fadakarwa akan takunkumin rufe fuska

Fadakarwa akan takunkumin rufe fuska

Hukumar hana yaduwar cututtuka ta kasa da kasa watau CDC ta yi kira ga al’umma da su bi wasu ka’idojin da aka ta’alaka akan amfani da mask -takunkumin rufe fuska.

Hukumar CDC ta bayyana a shafinta ta Twitter da cewa ya zama wajibi a sanya mask musanman ga wanda zai fita waje ko zai je inda akwai dinbin mutane.

Ya kamata kuma a rinka yin numfashi daga cikin takunkumin sabili da haka ya kamata takunkumin ya rufe hanci da baki.

Idan takunkumin wanda ake iya wankewa ne ya zama wajibi a wanke shi duk lokacin da aka dawo gida.

Haka kuma hukumar ta yi kira da kar a sanyawa yara ‘yan kasa da shekaru biyu kuma kada mutum y iyi anfani da kayayyakin kariya na likitoci in har shi ba likita ko ma’aikacin lafiya bane

 

 

 

 

News Source:  www.trt.net.tr