Yara miliyan takwas na cikin garari

Yara miliyan takwas na cikin garari
Asusun kula da yara na Majalisar Dinkin Duniya ya ce kananan yara miliyan takwas na fuskantar barazanar mutuwa sakamakon matsalar tamowa da wasu kasashen duniya ke fuskanta.

A cikin wani rahoton da ya fitar a wannan Alhamis, asusun kula da yara na Majalisar Dinkin Duniya "UNICEF" ya ce a cikin kasashe 15 ne matsalar ta fi kamari inda kananan yaran ke cikin halin ni 'yasu saboda rashin wadataccen abinci, sai dai rahoton ya kuma bayyana hudu daga cikin kasashen da suka hada da Afghanistan da Ethiopia da Haïti da Yémen da a matsayin wadanda barazanar ta fi daukar hankali da muni a wannan shekara.

Wasu daga cikin dalilan da asussun ya ambata  da ke zama musabbabin barazanar su ne matsalar fari sakamakon karancin ruwan sama, da canjin yanayi da illolin da annobar corona ta haifar da kuma tashin-farashin kayan abinci da duniya ke fuskanta a yanzu sakamakon mamayar Ukraine take fusknata daga makwabciyarta Rasha.

News Source:  DW (dw.com)